Мектеп окуучулары Кыргыз-Өзбек Эл аралык университети менен таанышып кетишти
Бүгүн, 11-декабрь күнү Араван районундагы мектеп окуучулары Кыргыз-Өзбек Эл аралык университетинин билим берүү ишмердүүлүгү боюнча жакындан таанышып чыгышты.
Мектеп окуучуларын окуу жайдын мамлекеттик тил жана социалдык иштер боюнча проректору, ф.и.к., доцент Сыргак Сарыков, юридика-экономика факультетинин деканы, кабыл алуу комиссиясынын жооптуу катчысы, ю.и.д. Алмагүл Көкөева тосуп алып, студенттер үчүн түзүлгөн шарттар, материалдык-техникалык база менен тааныштырып чыгышты.
Буга улай эле окуу жайдын жыйындар залында Кыргыз-Өзбек Эл аралык университети тууралуу видео ролик көрсөтүлдү. Андан соң кабыл алуу комиссиясынын жооптуу катчысы кесипти туура тандоо боюнча баяндама жасап, окуучулардын кызыктырган суроолоруна жооп берди. Соңунда мектеп окуучуларын жетектеп келген мугалимдери ыраазычылыктарын билдирди.
